Unha avoa compostelá asegura que "un caldiño quente" é o mellor para curar o coronavirus

María é unha avoa compostelá de 75 anos á cal, a diferenza da maioría da xente, non lle  preocupa o máis mínimo o problema do coronavirus. A compostelá asegura que non hai mellor vacúa que un  bo  caldiño  quente para acabar con esa temible infección, confirmando que é un prato moi san e xeralmente alimenta moito. A pesar de que numerosos expertos puxeron en dúbida a efectividade da súa dedución, María lembrou que na súa época non existían todas esas "modernidades"de hoxe en día e aínda así aguantaban calquera tipo de enfermidade sen ningún tipo de problema.

Tras a rolda de prensa, a avoa compostelá lembrou a todos os asistentes que se despois de tomar o caldo quedan con fame, sempre pode facerlles uns ovos fritos.