Falamos con Paco: o funcionario compostelán que pediu a Oxford unha vacina contra a síndrome postvacacional

«Esta depresión acaba connosco e machúcanos por dentro»

O pasado luns tivemos a sorte de coñecer a Paco, un funcionario compostelán que a día de hoxe continúa pelexando para conseguir que a prestixiosa Universidade de Oxford investigue nunha vacina contra a síndrome  postvacacional, xa que, segundo o funcionario é "un problema moi grave que afecta a millóns de persoas en todo o mundo".

Paco cre que se podía aproveitar todo o esforzo que se está realizando na vacina contra o  COVID e dedicar tan só uns minutos ao día para investigar sobre unha depresión que el mesmo recoñece estar a sufrir.

— Polo que vostede comenta, Cre que é primordial investigar sobre a vacina contra a síndrome  postvacacional?

— Sen dúbida créoo, somos moitos os que cada 31 de Agosto temos que sufrir as consecuencias desta dura síndrome, esa depresión que acaba connosco e machúcanos por dentro.

— Xa, claro. Imaxino que ten que ser duro, porque o seu traballo debe requirir de moito esforzo físico...

— A ver, moito esforzo físico non che esixen, pero teño que levantar moitas cheas de papeis e abrir a fotocopiadora cando se atasca...

— Entendo. E traballará mañá e tarde...

— Non, que va, só mañás...

— Vaia... Entón pódeme explicar como un funcionario que traballa só de mañás pode sufrir síndrome  postvacacional?

— Pois porque o meu traballo esgota a nivel mental, acabo esnaquizado cada tarde cando chego a casa, imaxínese as sestas que me teño que tomar para recuperarme.

— E encima bótase sestas.Vostede o que ten é un morro que llo pisa! Nai de Deus, a de xente que se alegra por ter un traballo no que poucas vacacións poden ter e vostede chorando como un idiota polo seu envexable emprego quéixase de vicio!

— (chorando) Pois si, sufro moito vale?. Son moi sensible

—  Sensible... o teu o que es é imbécil!

—  QUEMEDEHES!