Desarticulan unha banda que o pasado domingo se dedicou a entrar nas casas montados en camelo

O pasado domingo conseguiron deter a tres homes que se dedicaban a entrar pola noite en casas alleas montados en camelo. Os devanditos alegaron que a finalidade dos actos era para dar alegría á xente, razón pola que se chegou a sospeitar que estes tres ladróns habían inxerido unha elevada cantidade de estupefacientes.

Segundo fontes supostamente contrastadas, o modus operandi consistía en acceder ás casas pola xanela e unha vez dentro, comerse unhas galletas que por algunha estraña razón deixaran os afectados xunto á árbore de nadal nun prato. A día de hoxe, os asaltantes foron liberados por un estraño home cunha enorme barba branca que pagou as súas fianzas.