A Organización Meteorolóxica Mundial en alerta pola ausencia de choiva durante dous días en Compostela

Esta mesma mañá, a Organización Meteorolóxica Mundial mostraron a súa preocupación pola ausencia de choiva durante dous días na cidade compostelá; varios expertos asistentes ao Cume sobre o Cambio Climático comentaron que dita seca pode chegar a afectar mentalmente os cidadáns da cidade, chegando mesmo a saír á rúa sen  paragüas (unha tolemia para os tempos que corren). Devanditos expertos comentaron que a ausencia da choiva "é un claro exemplo do cambio drástico que está a comezar a afectar a este planeta",  avisando de que mesmo pode darse o caso de atoparse o chan da cidade "completamente seco", situación que alarmou notablemente aos asistentes.

Con respecto á grave situación,  Greta  Thunberg comentou que o dos glaciares é unha  minucia comparado coa escaseza de choiva na capital galega. "Hai que tomar medidas, porque se non buscamos unha solución acabaremos polo planeta".