Rouba unhas lentes nunha óptica e volve para que lle gradúen os cristais

A pasada mañá, o cidadán R. L. roubou unha caixa de lentes nunha óptica compostelá. Cando o ladrón dirixíase de volta a casa co seu botín, descubriu que os cristais das lentes tiñan unha gradación superior á súa, polo que decidiu volver á mesma óptica para que lle  graduasen os cristais. "Ola, son o que acaba de roubarvos as lentes, viña para que me  cambiáseis os cristais, que con estes non vexo unha merda".

A óptica, aproveitando a situación, decidiu cobrarlle polos cristais máis caros do habitual, dese modo o inxenuo ladrón pagaría o prezo dos cristais e das lentes. "Afortunadamente, o tipo non era moi listo e acabou pagando polos cristais todo o que roubara", asegurou o óptico. A policía decidiu non arrestar ao ladrón tras comprobar que finalmente este abonara o prezo de todo o roubado. A día de hoxe,  R. L. aínda pensa que saíu gañando co roubo.